Sirf Mola Ali k ghar k darwaze masjid me khuli

Siwaye Ali Alayh-is-Salam Ke Masjid Me Khulne Waale Sab Ke Darwaaze Band Kar Diye Jaaein

Farman-E-Mustafa  ﷺ

Hadith-01

“Hazrat Zayd Bin Arqam RadiyAllahu Ta’ala Anhu Se Riwayat Hai Ki RasoolAllah Sallahu Ta’ala Alayhi Wa Aalihi Wa Sallam Ke Baaz Sahaba-E-Kiram RadiyAllahu Ta’ala Anhum Ke Gharon Ke Darwaaze Masjid Me Khulte They To RasoolAllah Sallahu Ta’ala Alayhi Wa Aalihi Wa Sallam Ne Irshad Farmaya Ki Siwaaye Hazrat Ali Ke Darwaaze Ke Tamaam Darwaaze Band Kar Diye Jaaein.

Is Par Logo’n Ne Chimigoiya’n Kee To RasoolAllah Sallahu Ta’ala Alayhi Wa Aalihi Wa Sallam Ne Khade Ho Kar Allah Tabarak Wa Ta’ala Ke Hamd Wa Thana Bayan Karne Ke Baad Farmaya Ki Mein Ne Tumhein Hukm Diya Hai Ki Siwaaye Hazrat Ali Ke Darwaaze Ke Un Darwaazon Ko Band Kar Do Aur Tum Me Se Kisi Ne Us Par Kuchh Kaha Hai.

Khuda ﷻ Kee Qasam !
Mein Na Darwaze Kholta Hoo’n Aur Na Badn Karta Magar Is Kee Itteba’ Karta Hoo’n Jo Hukm Mujhe Diya Jaata Hai.
Mein Ne Na Use Daakhil Kiya Aur Na Tumhein Nikaala Balki Allah ﷻ Ne Use Daakhil Kiya Aur Tumhein Nikaala Hai.”
–
[An-Nasa’i, Khasa’is-E-Ali Ibn Abi Talib KarramAllahu Ta’ala Waj’hah-ul-Karim,/56, 57, Raqam-47.]